Qarabağ
Milli Məclisdə Şuşa ilə bağlı MÜHÜM TƏKLİFLƏR
Milli Məclisdə “Azərbaycanın mədəniyyət paytaxtı – Şuşa şəhəri haqqında” qanun layihəsi ikinci oxunuşda müzakirəyə çıxarılıb.
Publika.az-ın xəbərinə görə, parlamentin Mədəniyyət komitəsinin sədri Qənirə Paşayeva bildirib ki, Milli Məclisin mayın 25-də keçirilən iclasında layihə birinci oxunuşda müzakirə edilib.
Deputatın sözlərinə görə, millət vəkillərinin mütləq əksəriyyəti qanun layihəsini dəstəkləyib: “Birinci oxunuş müzakirələri zamanı həmkarlarım Azay Quliyev, Erkin Qədirli, Siyavuş Novruzov, Fazil Mustafa və digərləri bir sıra təkliflərlə çıxış ediblər. Biz bu təklifləri qanunvericilik subyektilə işçi qaydada müzakirə etmişik. Bəzi təkliflər qəbul edilib”.
Mədəniyyət komitəsinin sədri deyib ki, ötən gün parlamentin dörd komitəsi qanun layihəsini müzakirə edib və onun ikinci oxunuşda plenar iclasın gündəliyinə çıxarılmasını tövsiyə ediblər.
“Həmkarlarımı layihəni dəstəkləməyə dəvət edirəm. Bununla siz mədəniyyət paytaxtı olan qədim Şuşa şəhərinin qorunması və inkişafına dəstək vermiş olacaqsınız”, - Q.Paşayeva bildirib.
Deputat Tahir Rzayev isə təklif edib ki, Şuşaya qəhrəman şəhər adı verilsin, Azərbaycan əsgərinin şərəfinə abidə ucaldılsın.
Deputat Vahid Əhmədov deyib ki, belə bir qanunun qəbulu təkcə Şuşa deyil, bütövlükdə Qarabağ üçün tarixi baxımdan əhəmiyyətli hadisədir: “Şuşa rayon olub. 1752-ci ildə onun ərazisi 5,5 min kvadratkilometr olub. Şuşa şəhəri yaranandan onun bir qəsəbəsi, bir şəhəri və 37 kəndi olub. Bu kəndlər siyasi əhəmiyyətli kəndlərdir. İndi bu kəndlərdə sülhməramlılar fəaliyyət göstərir, ermənilər yaşayır. Şuşada 96 faiz azərbaycanlı, 4 faiz erməni yaşayıb. Bu kəndlərin işğalda olması gələcəkdə təhlükəsizlik problemi yarada bilər. Şuşa şəhəri Şuşa rayonuna daxildir. Mən təklif edirəm ki, Şuşa şəhərinin idarə edilməsi mexanizmi də qanun layihəsində əksini tapsın”.
V.Əhmədov eyni zamanda təklif edib ki, Şuşa şəhərində görülən işlər vergidən azad edilsin: “Şuşada böyük bərpa işləri aparılacaq. Bu, bir illə yekunlaşmaz. Təklif edirəm ki, Şuşa şəhərində aparılan işlər 3 il müddətində vergidən azad edilsin. Bu maliyyə Şuşada qalsın və şəhərə sərf edilsin”.
Deputat Aydın Mirzəzadə isə Şuşada konservatoriya yaradılması təklifini irəli sürüb.
Hazırda müzakirələr davam edir.
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO