“Bakıda olmayan tramvay Ağdamda fəaliyyət göstərəcək” - RƏY

Ağdam, Şuşa və işğaldan azad edilən digər şəhər, qəsəbə və kəndlərimiz planlaşdırılan və Prezidentə təqdim olunan şəkildə qurulsa, Qarabağa qayıdışın sürətlənəcəyinə inanıram. Dünənki təqdimatdan aydın oldu ki, Ağdam həm ərazisinə, həm də əhalisinə görə əvvəlkindən daha böyük rayona və şəhərə çevriləcək.

Publika.az xəbər verir ki, bu sözləri politoloq Elxan Şahinoğlu deyib. Dünən Ağdamda prezidentin iştirakı ilə keçirilən təməlqoyma mərasimindən söz açan politoloq şəhərin yenidən qurulması işlərinin sürətlə davam etdiyini qedy edib:

“Misal üçün Bakıda olmayan tramvay Ağdamda fəaliyyət göstərəcək. Ağdamda Sənaye Parkının bünövrəsi də qoyuldu. Bu, çox vacibdir, Ağdama 100 min insan qayıdacaqsa, onların məşğul olacaqları sahələr indidən müəyyənləşdirilməlidir. Təhlükəsizlik tədbirlərinin həyata keçirilməsiylə paralel Qarabağa 800 minlə 1 milyon civarında insanın qayıdışının təmin edilməsinin Azərbaycan üçün böyük geosiyasi, iqtisadi və hərbi nəticələri olacaq”.

Aytən Məftun