Qarabağ

İşğaldan azad edilmiş Şuşadan SON FOTOLAR

6 İyul 2021 00:31

Qarabağın "döyünən ürəyi", "Qafqazın konservatoriyası" hesab olunan Şuşa şəhəri 28 ildən sonra, 2020-ci ilin noyabr ayında erməni işğalından azad olundu.

Publika.az xəbər verir ki,"Sputnik Azərbaycanın" fotomüxbiri Şuşaya yollanaraq bu gözəl şəhərimizin hazırkı görüntülərini fotoaparatın yaddaşına köçürüb.

Qarabağın "döyünən ürəyi", "Qafqazın konservatoriyası", "Cənubi Qafqaz"-ın mədəniyyət məbədi" də adlandırılan Şuşa şəhəri Azərbaycan xalqının tarixi yaddaşında xüsusi yer tutur.

Bir vaxtlar çiçəklənən şəhər 1992-ci ildə erməni silahlı qüvvələri tərəfindən işğal olunandan sonra tamamilə dağıdılıb. İndi şəhərdəki tarixi binalardan, saraylardan və məscidlərdən yalnız yarı xaraba vəziyyətdə olan divarlar qalıb.

Ancaq 2020-ci ilin noyabrında Azərbaycan hərbçiləri Şuşanı erməni işğalından azad edəndən sonra şəhər yenidən canlanmağa başlayıb. İndi Şuşada bərpa-rekonstruksiya işləri gedir, artıq çörək sexləri və mağazalar fəaliyyət göstərir.

Bu ilin may ayında şəhərdə "Xarı-bülbül" musiqi festivalı keçirilib. Festivala Azərbaycanın və müxtəlif xalqların məşhur musiqi kollektivləri qatılıb. Eləcə də Azərbaycan Prezidentinin başçılığı altında bir sıra rəsmi şəxslər də bu musiqi bayramında iştirak ediblər.