Bu kəndlərdə qızları oxumağa qoymurlar - Deputat - VİDEO

Video əlavə olunub.

xxx

"Qəribə ağıl dağarcıqları peyda olub. Özəl qız məktəblərinin açılması təklifini nəzərdə tutaraq deyirlər ki, bizi əsrin əvvəllərinə qaytarmaq istəyirlər. Guya əsrin əvvəllərindən çox irəlidədirlər".

Publika.az xəbər verir ki, bunu Milli Məclisin deputatı, Böyük Quruluş Partiyasının (BQP) sədri Fazil Mustafa qeyd edib.

Millət vəkili onun qız məktəbləri ilə bağlı təklifini tənqid edənləri "söz atəşi"nə tutub:

"Axundov plankasını keçən filosof, Üzeyir plankasını keçən bəstəkar, Cavid plankasını keçən şair yetişdirməmisən, o halda niyə qayıdasan ötən əsrlərə, elə başınızı bu əsrdə girələyin getsin də... XXI əsrdə məktəbdən kənarda qalan qızların statistikasını bölgələr üzrə öyrənin, sonra ağıllı-ağıllı danışarsınız. Bu, sadəcə hansısa səbəblərdən məktəbdən uzaqlaşdırılan qızların təhsil alması üçün vacibdir. Bakının elə kəndləri var ki, bəlli bir yaşdan sonra qızları oxumağa qoymurlar. Bütün valideynləri tutub həbs etməyəcəksən ki... Bəhanəni kəsmək lazımdır. Ölkədə 4-5 ədəd yataqxanası olan, ancaq dünyəvi və ağırlıqlı olaraq peşə təhsili yönümlü qızlar üçün alternativ özəl məktəbdən söhbət gedir. Mövcud məktəb sisteminə isə ümumiyyətlə toxunulmur. Deyə bildimmi?"