Rusiya Almaniya təyyarəsinə enişə icazə vermədi
Bizi izləyin

Region

Rusiya Almaniya təyyarəsinə enişə icazə vermədi

Rusiya koronavirus epidemiyası səbəbiylə Çindən azad edilən və alman vətəndaşları daşıyan Almaniya ordusuna aid təyyarəyə yanacaq və ekipaj dəyişməsi üçün Moskva hava limanına eniş icazəsi verməyib.

Publika.az xəbər verir ki, Moskvada enişinə icazə verilməyən təyyarə Helsinki istiqamətinə yönəlib.

Almaniyanın Müdafiə naziri Annegret Kramp-Karrenbauer açıqlamasında Helsinkidə hava limanına enmək üçün heç bir maneənin olmadığını deyib. Eyni zamanda Rusiyanın ölkə üzərindən uçuş izinini verdiyini dilə gətirən Kramp-Karrenbauer daha əvvəl təyyarənin Moskvaya eniş etməsinə qarşı çıxmadıqlarını, ancaq sonradan enişə icazə verilmədiyini deyib.

Onun sözlərinə görə, Rusiyanın Moskva hava limanına enişə icazə verilməməsinin səbəbləri ilə bağlı rəsmi açıqlaması gələn həftə Almaniya Xarici İşlər Nazirliyi tərəfindən qiymətləndiriləcək.

Təyyarədəki alman vətəndaşları Reynland-Pfalz əyalətindəki Hərbi Hava Qüvvələri bazasında hazırlanan mərkəzə aparılaraq, Frankfurt Hava Limanında ehtiyat tədbirləri üçün yoxlanıldıqdan sonra burada təxminən 2 həftə müddətində karantində qalacaqlar.

Qeyd edək ki, təyyarədə 120-dən çox adam var, onlardan təxminən 90-ı Almaniya vətəndaşıdır.

Tağı Həsənov

Oxumağa davam et
Reklam
Reklam

Gündəm