Xameneidən SEPAH-a ŞOK TƏLİMAT: ABŞ ordusuna qarşı...

İranın ali dini lideri Ayətullah Əli Xamenei Bəsrə körfəzindəki adalarda qəsəbə qurulması üçün təlimat verib.

Publika.az-ın məlumatına görə, İnqilab Keşikçiləri Korpusu Hərbi Dəniz Qüvvələrinin (SEPAH) komandanı Əli Rza Tenqsiri bu barədə “Fars” informasiya agentliyinə açıqlamasında bildirib.

“Milli Fars Körfəzi Günü” münasibətilə Bəsrə körfəzindəki vəziyyəti qiymətləndirən komandan ABŞ ordusunun bölgədəki sabitliyi pozduğunu ifadə edib. O qeyd edib ki, ABŞ-ın buradakı varlığı İranın təhlükəsizliyini təhdid edir. ABŞ-a aid döyüş gəmiləri Bəsrədə böyükmiqyaslı fəlakətə yol aça bilər. İran isə bölgədə sabitlik yaratmaq üçün adalarda qəsəbələr qurulmasını istəyir.

“Fars körfəzindəki adalarda qəsəbə infrastrukturlarını yaradaraq adaları insanların yaşayışı üçün hazır vəziyyətə gətirməyi planlaşdırırıq. Bu, insanların adalarda yaşamasına dair Xamenei tərəfindən verilən təlimatdır”.

Qeyd edək ki, körfəzdə İranın nəzarətində olan adaların bir çoxunda yaşayış var.

Zümrüd