• USD 1,7000 0,00% EUR 1,9190 -0,03%
    • GBP 2,2589 +0,40% RUB 0,0229 -0,87%

Türkiyədə zəlzələ dağıntılara səbəb oldu - Xəsarət alanlar var (YENİLƏNDİ)

  • Region
  • 19 Noyabr 2021 23:31
  • 1 004 Baxış
Türkiyədə zəlzələ dağıntılara səbəb oldu - Xəsarət alanlar var

Türkiyənin Ərzurum şəhərində baş verən 5,1 bal gücündə zəlzələ nəticəsində 2 kənddə dağıntılar baş verib.

Publika.az xəbər verir ki, bu barədə səhiyyə naziri Faxrettin Koca "Twitter"dəki hesabında yazıb.

O, bildirib ki, zəlzələ zamanı 4 nəfər xəsarət alıb. Zəlzələ ilə bağlı bölgəyə 5 təcili tibbi yardım maşını, 27 səhiyyə işçisi cəlb olunub.

Qeyd edək ki, yeraltı təkanlar Köprüköy rayonunda yerli vaxtla saat 15:40-da qeydə alınıb.

Türkiyənin Fövqəladə Halların İdarəolunması Agentliyinin (AFAD) məlumatına görə, zəlzələ 12 saniyə davam edib. Ərzurum valisi Okay Memiş dağıntılar altında qalan 2 nəfərin sağ çıxarıldığını bildirib. Zəlzələdən sonra yüksəkliklərdən düşən qayalar Hınıs-Tekman yolunu bağlayıb.

Zəlzələ ocağı 5 kilometr dərinlikdə yerləşib. Yeraltı təkanlar həmçinin Ağrı, Diyarbakır və Muş şəhərlərində də hiss olunub.

xxx

17:23

Türkiyədə 5,1 bal gücündə zəlzələ baş verib.

Publika.az xəbər verir ki, hadisə Ərzurum şəhərində qeydə alınıb.

Yeraltı təkanlar 6,9 kilometr dərinlikdə olub.

İtki və ya fəsad barədə məlumat yoxdur.

Halal Nemət

Xəbər lenti

DAHA ÇOX XƏBƏR