"Baykar Makina"dan Rusiyaya QIRMIZI İŞIQ: "Heç vaxt..."

""Baykar Makina" Ukraynanın suverenliyini və onun müstəqillik mübarizəsini dəstəklədiyi üçün Rusiyaya öz məhsulunu tədarük etməyib və heç vaxt da verməyəcək".

Publika.az xəbər verir ki, bunu “Baykar Makina”nın baş direktoru Haluk Bayraktar CNN kanalına açıqlamasında deyib.

"Türkiyə ilə Ukrayna arasında xüsusilə aerokosmik və müdafiə sahələrində strateji səviyyəli əlaqələr mövcuddur. Bu illər səydir. Türkiyə Ukraynaya döyüş pilotsuz təyyarələri ilə dəstək verir, biz də Ukraynadan pilotsuz təyyarələr üçün mühərriklər alırıq. Biz Ukrayna ilə münasibətləri qazan-qazan prinsipi əsasında qurmuşuq ki, bu da hər iki ölkəyə üstünlüklər verir. Və bu mənada biz açıq şəkildə Ukraynanı dəstəkləyirik", - deyə Bayraktar bildirib.

“Baykar Makina” məhsullarının Rusiyaya tədarükünün mümkünlüyü ilə bağlı sualları cavablandıran şirkət rəhbəri əmin edib ki, bu, heç vaxt baş verməyəcək.

“Biz onları (Rusiya - red.) təmin etməmişik, etmirik və heç vaxt etməyəcəyik. Biz Ukraynanı dəstəkləyirik, onun suverenliyini, faktiki olaraq müstəqilliyi uğrunda mübarizəsini dəstəkləyirik”, - deyə Bayraktar bildirib.

Hüseyn İbadlı