Kanada Rusiyanı ALDATDI: Mühərrik Almaniyaya verildi

Rusiyaya qarşı həyata keçirilən sanksiyalar “Şimal axını” qaz kəməri ilə avropalı istehlakçıları qazla təmin edən “Portovaya” kompressor stansiyası üçün “Siemens” qaz turbin mühərriklərinin daşınması və təmiri ilə bağlı yaranmış problemin uğurlu həllinə mane olub.

Publika.az İnterfax.ru saytına istinadən xəbər verir ki, bu barədə “Qazprom” şirkətinin yaydığı məlumatda bildirilir.

Qeyd olunur ki, hazırda “Portovaya” KS-dəki altı əsas qaz nasos qurğusundan yalnız biri işləyir:

“Stansiyanın sutkalıq gücü 33 milyon kubmetrdən çox deyil. İstehsalçı tərəfindən müəyyən edilmiş qaz turbinlərinə texniki qulluq cədvəlinə əsasən, əsaslı təmirlər arasındakı müddət (25 min saat) başa çatdıqdan sonra zavodda məcburi əsaslı təmir tələb olunur. Böyük Britaniyanın “Siemens Energy” şirkətlər qrupuna daxil olan “Industrial Turbine Company Limited” şirkəti ilə Kanadadakı zavodda mühərriklərin təmiri ilə bağlı müqavilə imzalanıb. Müqavilənin şərtlərinə uyğun olaraq, 073 mühərrikinin təmiri may ayında başa çatmalı idi”.

Rövşən Ziya