Qondarma rejimin “baş prokuroru” və müavini öldürüldü

Qondarma “Luqansk xalq respublikası”nın hakimiyyət orqanları Luqanskda Baş Prokurorluğun binasında partlayış baş verdiyi barədə məlumat yayıb.

Publika.az xəbər verir ki, bu barədə “İnterfaks” agentliyi məlumat açıqlayıb.

Agentlik fövqəladə hallar xidmətindəki mənbəyə istinadən xəbər verir ki, partlayış nəticəsində “LXR”in baş prokuroru Sergey Qorenko həlak olub.

“LXR”in baş prokuroru Sergey Qorenko Luqanskda Baş Prokurorluğun binasında partlayıcı qurğunun partlaması nəticəsində həlak olub”, - qondarma respublikanın daxili işlər nazirinin köməkçisi Vitali Kiselyev bildirib.

“Baş Prokurorluğun binasındakı partlayışın episentri baş prokurorun kabinetinin yaxınlığında olub”, – mənbə Luqanskdakı partlayışın təfərrüatları barədə “İnterfaks”a bildirib. “Respublika”nın xalq milisindən verilən məlumata görə, idarənin binasında əldəqayırma partlayıcı qurğu işə düşüb. Daha sonra “İnterfaks” mənbəyə istinadən xəbər verib ki, “LXR” baş prokurorunun müavini Yekaterina Steqlenko da partlayış nəticəsində ölüb.

Bundan əlavə, Xerson vilayətinin rusiyapərəst hakimiyyət orqanları Xersondakı administrasiya binasına raket zərbəsi endirilməsi barədə məlumat yayıb. Onlar iddia edirlər ki, zərbələr Ukrayna hərbçiləri tərəfindən endirilib.

Səxavət