Peskov: “Bu dəhşətli yalandır, başqa cür yanaşmaq mümkün deyil”

Rusiya Prezidentinin mətbuat katibi Dmitri Peskov Polşa funksionerlərinin SSRİ-nin 1945-ci ildə Polşaya azadlıq gətirməməsi barədə bəyanatını dəhşətli yalan adlandırıb.

Publika.az TASS-a istinadla xəbər verir ki, D.Peskov deyib:

“Bu yalandır! Yalan dəhşətlidir, çünki o zaman Sovet İttifaqının çoxlu vətəndaşları həlak olub, Rusiya Federasiyasının (RSFSR) vətəndaşları, o vaxt Sovet İttifaqının tərkibində olan digər respublikaların vətəndaşları Polşanı azad edərkən həlak olublar”.

“Bu dəhşətli yalan, gənc polyak nəslini aldatmağa və onları yalanla böyütməyə, yedirtməyə, bu yalanla qidalandırmağa və bu yalanla ruslara nifrət oyatmağa davam etmək üçün növbəti cəhddir”, - deyə Dmitri Peskov bildirib.

Qeyd edək ki, Polşa Milli Yaddaş İnstitutu rəsmiləri mətbuat nümayəndələri ilə ünsiyyətdə Qırmızı Ordu əsgərlərinin 1945-ci ildə bu ölkəyə azadlıq gətirmədiyini iddia ediblər.

“Ümid edirəm ki, tarix bunun yanlışlığını göstərəcək. Bu yalana başqa cür yanaşmaq yəqin ki, mümkün deyil”, - bunu isə Dmitri Peskov cümə axşamı Polşada Qırmızı Orduya aid daha dörd abidənin sökülməsinə Kremlin münasibəti ilə bağlı suala cavab olaraq deyib.

Onu da bildirək ki, Polşanın dörd bölgəsində Qırmızı Orduya ucaldılmış abidələr eyni vaxtda sökülür. Sökülmə cümə axşamı Polşanın Milli Yaddaş İnstitutu tərəfindən yayımlanır.

Səxavət