Deputat maşınla uşaq vurdu - Hadisə yerindən qaçdı
Bizi izləyin
Aptekonline

Region

Deputat maşınla uşaq vurdu - Hadisə yerindən qaçdı

Deputat maşınla uşaq vurdu - Hadisə yerindən qaçdı

Rusiyanın Novosibirsk vilayətinin Tatarski rayonunda “Vahid Rusiya” partiyasının deputatı Sergey Mamontov avtomobillə uşaq vurub.

Publika.az xəbər verir ki, deputat qəzadan sonra hadisə yerindən qaçıb.

"Vahid Rusiya" partiyasının regional bölməsinin mətbuat katibi Yuliya Şvets deputatın partiyadan xaric ediləcəyini bildirib.

"Tatarski Rayon Deputatlar Şurasının deputatı Sergey Mamontovun hərəkəti çaşqınlıq və ikrah doğurmaqdan başqa bir şey deyil. Uşağı əzib, onu köməksiz vəziyyətdə yolda qoyanı tam mənada insan adlandırmaq belə çətindir.

O, qanunun ən ağır həddi ilə cəzalandırılmalıdır. “Vahid Rusiya”ya gəlincə, o, Mamontovu rüsvayçılıqla partiyadan və rayon şurasındakı deputat birliyindən xaric edəcək, həmçinin yaralı oğlana və onun ailəsinə bütün lazımi yardımı göstərəcək”, - Şvets bildirib.

Qeyd edək ki, qəza bazar günü baş verib. Regional Prokurorluq hadisə ilə bağlı cinayət işi başladıb.

(Modern.az)

Oxumağa davam et
Reklam
Reklam

Gündəm

Aptekonline