İranda erməni icmasının qadınları Anna ilə görüşdən İMTİNA ETDİLƏR

İranda “nüfuzlu qadın” Anna Akopyan alçaldılıb.

Publika.az xəbər verir ki, bu barədə erməni jurnalist Nairi Oxikyan yazıb.

Məlumata görə, Paşinyanın xanımı Tehranda keçirilən “Nüfuzlu qadınlar” forumunda iştirak edərkən xoşagəlməz reallıqla üzləşib.

“Məlum olduğu kimi, Anna Akopyan erməni icmasının nümayəndələri ilə görüşmək istəyəndə ümumi rədd cavabı alıb. İran erməniləri Ermənistandan gələn “nüfuzlu qadını” görmək istəməyiblər, hesab ediblər ki, satqınlarla danışacaq heç bir şey yoxdur”, - jurnalist qeyd edib.

Oxikyan iddia edib ki, hətta Tehranın erməni kilsələrində də Akopyanın ruhanilərlə görüşmək, xeyir-dua almaq imkanı olmayıb.

“Allah evinin qapıları şeytanın bəndələrinin üzünə bağlıdır. Onların hamısı öz növbəsində bütün ermənilər tərəfindən rədd ediləcək”, - deyə o qeyd edib.

Xatırladaq ki, bir neçə gün öncə Paşinyanın həyat yoldaşı İrana səfər edib. Anna Akopyan İranın birinci xanımı Cəmilə Sədat Ələmolhoda və qızı Reyhanə Rəisinin müşayiəti ilə İranın şiələr üçün müqəddəs sayılan dini mərkəzi Qum şəhərinə səfər edib. Qeyd olunub ki, Akopyan həmin məscidi və Həzrəti Fatimə Məsumənin məqbərəsini ziyarət edib.

Akqabay