Türkiyədə əməliyyatlar təxirə salınır: qan çatışmazlığı var

Türkiyədə qan ehtiyatı kritik həddən aşağı düşüb, cərrahlar əməliyyatları təxirə salıblar.

Publika.az xəbər verir ki, bu barədə "Aydınlık" qəzeti yazıb.

Türkiyə Qızıl Aypara Cəmiyyəti (Qızılay) qan ehtiyatının kritik həddən aşağı düşdüyünü və qan çatışmazlığının bəzi ürək əməliyyatlarına mane olduğunu bildirərək, vətəndaşları donor olmağa çağırıb.

Türkiyə Ürək-Damar Cərrahiyyəsi Dərnəyinin prezidenti, professor Kürşat Bozkurt deyib ki, bir sıra əməliyyatlar təxirə salınmalıdır.

“Biz bloklanmışıq. Müəyyən əməliyyatları həyata keçirə bilmirik”, - deyə həkim bildirib. O, deyib ki, Türkiyənin 3 şəhərində əməliyyatların ən azı 20-30 %-nin təxirə salınıb.

Bozkurt vurğulayıb ki, xüsusilə İzmirdəki özəl xəstəxanalarda problem böyükdür.

“Bəzi yerlərdə əməliyyatlar dayanıb” deyən Bozkurt Ankara xəstəxanalarında da ciddi problemlərin yarandığını bildirib. Damar Cərrahiyyəsi Dərnəyi hesab edir ki, Kızılay problemlə mübarizə aparmaq üçün strategiyasını dəyişməlidir.

Ayşən