Region

İran polisi Rəisinin ölümü ilə bağlı məlumat yaydı - Xəbərdarlıq etdi

20 May 2024 11:48

İranın FƏTA (Kiberməkana Nəzarət) Polis İdarəsinin komandiri Vahid Məcid prezident İbrahim Rəisi və onu müşayiət edən nümayəndə heyətinin həlak olması ilə bağlı məlumat yayıb.

Publika.az xəbər verir ki, Vahid Məcid şayiə yayanlara xəbərdarlıq edib.

“Biz özümüzə xas olan vəzifələri və təyin olunmuş missiyaları yerinə yetirmək üçün virtual məkanı diqqətlə izləyirik. Mövcud və həssas vəziyyətdə şayiələrə və həqiqətə uyğun olmayan xəbərlərə əhəmiyyət verməməklə yanaşı, hər hansı şəkildə ictimai hissləri təhrik və narahat edən hansısa məzmunu dərc etməkdən çəkinin”, - o əlavə edib.

Qeyd edək ki, İran Prezidenti İbrahim Rəisi, xarici işlər naziri Hüseyn Əmir Abdullahian, Təbrizin imam cüməsi Ayətullah Əli Haşim, Şərqi Azərbaycan vilayətinin valisi Malik Rəhməti 19 mayda Şərqi Azərbaycan vilayətində baş verən helikopter qəzasında həlak olub.

Akqabay