İranda hakimlərə hücum terror aktı kimi ELAN EDİLDİ
Bizi izləyin
Aptekonline

Region

İranda hakimlərə hücum terror aktı kimi ELAN EDİLDİ

Tehranda İran Ali Məhkəməsi qarşısında iki hakimin ölümü ilə nəticələnən atışma terror aktı kimi elan edilib.

Publika.az xəbər verir ki, bu barədə IRNA məlumat yayıb.

Nəşr qeyd edir ki, İranın baş prokuroru Mohammad Movahhedi Azad Tehran Baş Prokurorluğuna hadisəni dərhal və hərtərəfli araşdırmağı tapşırıb. Agentlik hücumçunu saxlamağa çalışdıqlarını, lakin o, intihar etdiyini vurğulayır.

Azad terror aktının arxasında duranların müəyyən edilərək həbs olunmasını istəyib.

Hücum nəticəsində bir mühafizəçi və daha bir hakimin yaralandığı iddia edilir. Nəşr bildirir ki, təcavüzkarın Ali Məhkəmə və orada baxılan işlərlə heç bir əlaqəsi olmayıb.

Xatırladaq ki, yanvarın 18-də Tehranda İran Ali Məhkəməsinin binası yaxınlığında atışma baş verib, nəticədə iki hakim öldürülüb.

Ölən hakimlər milli təhlükəsizlik, casusluq və terrorizm əleyhinə cinayətlər üzərində işləyirdilər.

Hüseyn İbadlı

Oxumağa davam et
Reklam
Reklam

Gündəm

Aptekonline