"Dostluq elan edib, dövlət çevrilişi hazırlayır" - Kaladzedən sərt sözlər
Bizi izləyin
Aptekonline

Region

"Dostluq elan edib, dövlət çevrilişi hazırlayır" - Kaladzedən sərt sözlər

Hakim “Gürcü Arzusu – Demokratik Gürcüstan” partiyasının baş katibi, Tbilisi meri Kaxa Kaladze Avropa İttifaqını kəskin tənqid edib. Onun sözlərinə görə, Aİ Gürcüstana qarşı ikili oyun nümayiş etdirir.

Publika.az-ın məlumatına görə, Kaladze bəyan edib ki, Brüssel dostluq elan etməklə yanaşı, eyni zamanda ölkədə dövlət çevrilişinin hazırlanmasını dəstəkləyir və bu, qətiyyən yolverilməzdir.

Siyasətçi vurğulayıb ki, bu cür hərəkətlər, o cümlədən ekstremizmin təşviqi nə dostluq, nə də tərəfdaşlıq münasibətləri ilə bir araya sığır. Kaxa Kaladze Gürcüstanın Avropa İttifaqı ilə əməkdaşlığa hazır olduğunu bir daha təsdiqləyib, lakin bunun birtərəfli ola bilməyəcəyini vurğulayıb. Tbilisi Brüsseldən gürcü xalqına, onun milli konstitusiyasına və dövlət müstəqilliyinə hörmət edərək, ədalətli davranacağını gözləyir.

Qeyd edək ki, bu bəyanat Avropa Komissiyasının son mövqeyi fonunda verilib.

Adəm

Oxumağa davam et
Reklam
Reklam

Gündəm

Aptekonline