Region

İranın bir neçə şəhərində GÜCLÜ PARTLAYIŞ: ölənlər var - VİDEO

31 Yanvar 2026 19:00

Bu gün İranın Bəndər Abbas limanında və ölkə paytaxtının cənub-qərbində yerləşən Pərənd şəhərində partlayışlar baş verib.

Publika.az xəbər verir ki, məlumatı "Azad İran" "Telegram" yerli media yayıb.

Yerli vaxtla saat 13:45-də Bəndər Abbas şəhərinin Müəllim bulvarında yerləşən binada güclü partlayış baş verib. Yerli medianın verdiyi məlumata görə, hadisəyə yaşayış binalarından birində qaz sızmasının səbəb olduğu ehtimal edilir. İtkilər barədə məlumat yoxdur. Hədəfin guya İslam İnqilabı Keşikçiləri Korpusunun komandiri Məcid Musəvi olduğu bildirilib, lakin İran mediası bunu təkzib edib.

Başqa bir partlayışın Parand şəhərində baş verdiyi bildirilir.

İran mediasında eyni zamanda bir sıra başqa şəhərlərdə də partlayışların qeydə alındığı barədə məlumat verilir. "Euronews" İraq sərhədi yaxınlığında yerləşən Əhvaz şəhərindəki partlayışda ən azı, dörd nəfərin həlak olduğunu yazıb. Hadisənin səbəbləri barədə məlumat verilmir.