Fidan Lavrovla regiondakı vəziyyəti müzakirə etdi

Martın 17-də Rusiya xarici işlər naziri Sergey Lavrov Türkiyə xarici işlər naziri Hakan Fidan ilə telefon danışığı aparıb.

Publika.az xəbər verir ki, bu barədə Rusiya Xarici İşlər Nazirliyi məlumat yayıb.

Tərəflər ikitərəfli gündəmdəki aktual məsələləri müzakirə edərək, Rusiya-Türkiyə strateji enerji layihələrinin fasiləsiz işləməsi üçün şərait yaradılmasının vacibliyini vurğulayıblar. Xüsusilə, ukraynanın “Mavi Axın” və “Türk Axını” qaz kəmərlərinin infrastrukturuna zərər vurmaq cəhdlərini nəzərə alaraq, kəmərlərin hərtərəfli təhlükəsizliyinin təmin edilməsinin mütləq əhəmiyyətinə xüsusi diqqət yetirilib.

Tərəflər həmçinin İran ətrafındakı vəziyyətlə bağlı fikir mübadiləsi aparıblar. İsrail və ABŞ-ın İrana hücumları nəticəsində yaranan böhranın tez bir zamanda aradan qaldırılması və qeyri-güclü siyasi və diplomatik metodlara əsaslanma zərurəti ilə bağlı Rusiyanın fundamental mövqeyi vurğulanıb. Rusiyanın nizamlanmaya tam töhfə verməyə və bölgədəki gərginliyin azaldılması üçün Türkiyə ilə birlikdə səyləri əlaqələndirməyə hazır olduğu qeyd edilib.

Ən yüksək səviyyələrdə konstruktiv və faydalı ikitərəfli əlaqələrin davam etdirilməsi öhdəliyi bir daha təsdiqləndib.

Hüseyn İbadlı