Sağlamlıq
İnfeksionistdən ÇAĞIRIŞ - Hər birimiz potensial xəstə ola bilərik, bunu unutmayaq!
Hər kəsdə bir axrayınlıq hissi var. Hamı elə düşünür ki, koronavirusa yoluxmayacaq. Səbəbini bilmirəm, öz təcrübələrimə əsaslanaraq deyirəm ki, hətta xəstəliyi keçirən şəxslər arasında bir həftə yüksək temperaturu, infeksiyanın müəyyən əlamətləri olmasına baxmayaraq, həkimə vaxtında müraicət etməyən xəstələr olur. Maraqlıdır ki, həkimə müraciət etdikdən sonra da bizi inandırmağa çalışır ki, bu, koronavirus deyil.
Publika.az xəbər verir ki, bu sözləri həkim-infeksionist Nəzrin Mustafayeva deyib.
Ekspert qeyd edib ki, hər birimiz potensial xəstə ola bilərik: “Xəstələr bəhanə gətirir ki, xəstəliyi hər il eyni əlamətlərlə keçirirlər və ya soyuq su içdiyi üçün xəstələniblər. Yoluxmaların sayının artması buradan da irəli gəlir. Mövsüm dəyişməsi, havaların soyuması, insanların qapalı məkanlarda daha çox vaxt keçirməsi risk faktorlarıdır. İnsanlar maskalardan istifadə edir, bunu artıq vərdiş halına gətirmişik. Problem ondadır ki, maskalardan düzgün istifadə olunmur, maskanı ya sadəcə ağız hissəsində saxlayırlar, ya da çənəyə salırlar. Maska həm ağız, həm də burun nahiyəsini tam örtməlidir ki, qoruyuculuğu olsun. Ən azından bununla başqalarını qorumuş olarıq”.
Həkim qeyd edib ki, yeni növ koronavirus infeksiyasının əsas simptomları öskürək, hərarət, təngənəfəslik, iybilmə və dadbilmə duyğusunun itməsi olsa da, hər kəsdə bütün bu əlamətlər müşahidə olunmur: “İlk günlərdə adi halsızlıq, yüngül baş ağrısı belə koronavirusun xəbərçisi ola bilər. İnsanlar bunu ciddi qəbul etmədiyi üçün başqalarını da yoluxdurmuş olur. Yalnız ağırlaşma baş verdikdə həkimə müraciət olunur. Odur ki, belə hallar müşahidə olunarsa, dərhal özünüzü izolyasiya etməli, maska taxmalı və həkim müayinəsindən keçməlisiniz.
Arxayınlaşmayaq, dostlar. Kimdən yoluxdum, harda yoluxdum deyib vaxt itirməməliyik, ən əhəmiyyətsiz halsızlıq belə xəstəlik əlaməti ola bilər. Xəstəlik çox amansızdır, ilk günlər hərarət, öskürək verməyə bilər, amma biz arxayınlaşıb əzizlərimizi, yaşlılarımızı xəstələndirə bilərik. Hər birimiz potensial xəstə ola bilərik, bunu unutmayaq!”
Aytən Məftun
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı