Sağlamlıq

Həkim “nitrat bombası”ndan danışdı

3 İyun 2022 18:28

Endokrinoloq, diyetoloq Mariya Dubskaya Sankt-Peterburq telekanalının efirində “vitamin” mövsümünün başlaması ilə bəzi məhsulları alarkən diqqətli olmağı tövsiyə edib.

Publika.az Rusiya mətbuatına istinadən xəbər verir ki, həkimin sözlərinə görə, mövsümi olmayan meyvələrdən qorxmağa dəyər.

“Aprelin sonunda piştaxtalara çıxan qarpızlar “nitrat bombası”dır. Alma və kələmi payıza qədər gözləmək də arzu edilir. İyun ayında rasiona çiyələk, albalı, göyərti əlavə edə bilərsiniz: onlar artıq vitaminlərin maksimum miqdarını qazanmağı bacarıblar. Çiyələyi ətirli almaq lazımdır. Əgər çox qırmızıdırsa, parıltılıdırsa, çox güman ki, tərkibində nitrat var. Odur ki, sanitar-epidemioloji xidmətlərin nəzarətində olan etibarlı marketlərdən almağı məsləhət görürəm. Bununla belə, salatlara əlavə edilə bilən limon suyu kimyəvi maddələri zərərsizləşdirə bilər”, - Dubskaya deyib.