Addımlarınızı sayın, yoxsa...

Ürək-damar xəstəliklərinin qarşısını almaq üçün insan gündə 2,3 mindən 4,6 minə qədər addım atmalıdır.

Publika.az xəbər verir ki, bu barədə terapevt və kardioloq Yuliya Fokina danışıb.

“Avropa Kardiologiya Cəmiyyətinin Ürək-Damar Xəstəliklərinin Qarşısının Alınması üzrə Klinik Təcrübədə Klinik Təlimatlarına əsasən, məlum olub ki, gün ərzində saatda beş kilometr sürətlə orta hesabla 21-42 dəqiqə gəzmək lazımdır. Oxşar tempdə bu, təqribən 1,8-3,6 kilometrdir, addım sayı isə 2300-4600-dür”, - deyə mütəxəssis “Gazeta.ru”ya müsahibəsində bildirib.

Onun sözlərinə görə, gündə ən azı 10 000 addım atmaq fikri 60-cı illərdə Yaponiyada icad edilmiş addımölçən reklam kampaniyası sayəsində bütün dünyaya yayılıb.

“1960-cı illərdə Yaponiyada, 1972-ci il Olimpiadası ərəfəsində belə bərkidilmiş ilk addımölçən ixtira edildi və 10.000 addım reklam kampaniyası kimi istifadə edildi. Yapon dilində 10 min addım “manpo” kimi tərcümə olunur, pedometrin özü də “manpo kei” adlanır. Odur ki, bu cihaz başlanğıcda sağlamlıq faydaları ilə əhatə olunmuş çox gözəl marketinq strategiyası idi”, - deyə terapevt izah edib.

Yuliya Fokinanın sözlərinə görə, sonrakı tədqiqatlar göstərib ki, gündə daha çox addım atmaq (10.000-ə qədər) ölüm riskinin, ürək-damar xəstəlikləri və onkopatologiyanın inkişaf riskinin azalmasına səbəb olur.

Aytən Məfun