Sağlamlıq

"Paxmel"ə qarşı ən effektiv vasitə açıqlandı

28 Dekabr 2023 04:14

"Paxmel" təsirindən tamamilə xilas olmaq mümkün deyil, ancaq fermentləşdirilmiş süd məhsullarının köməyi ilə simptomları yüngülləşdirə bilərsiniz.

Publika.az xəbər verir ki, bu barədə doktor Aleksandr Myasnikov Birinci kanalda "О самом главном" verilişində danışıb.

"Bu və ya digər dərəcədə simptomları yüngülləşdirə bilərsiniz, amma yenə əziyyət çəkəcəksiniz, alkoqol istənilən halda sağlamlığınıza zərbə olacaq", - Myasnikov qeyd edib.

Onun fikrincə, "paxmel"in ən yaxşı dərmanı içkidə ölçünü gözləməkdir. Ekspert gecə içki içdikdən sonra səhər hamama girməyi də məsləhət görmür, çünki bu, bədəndən daha çox güc alır və susuzluğa səbəb olur. Həkimin sözlərinə görə, dərin və uzun yuxu, bulyon və fermentləşdirilmiş süd məhsulları "paxmel"in əlamətlərini azaltmağa kömək edəcək.