Yaşlı insanları süfrədə yalnız buraxmayın: Tək yemək onlar üçün... - ARAŞDIRMA

Müntəzəm olaraq tək yemək yaşlı insanların sağlamlığına ciddi zərər verə bilər.

Publika.az xəbər verir ki, Flinders Universitetinin yeni araşdırması bu mövzunu işıqlandırıb. Nəticələr "Appetite" jurnalında dərc olunub.

Alimlər 65 yaşdan yuxarı 80 000 nəfərin məlumatlarını təhlil edərək geniş miqyaslı meta-analiz aparıblar. Araşdırma göstərib ki, tək yemək qidalanma keyfiyyətinin azalmasına və qida maddələrinin çatışmazlığına gətirib çıxarır. Bu isə istəmədən arıqlama və sümük toxumasının zəifləməsi riskini artırır.

Xüsusilə narahatlıq doğuran məqam, yaşlılıq dövründə əzələ kütləsi və funksional müstəqilliyin qorunması üçün vacib olan protein qəbulunun qeyri-adekvat olmasıdır.

Tədqiqatçılar bildirirlər ki, yemək yalnız fizioloji ehtiyac deyil, həm də sosial aktdır. Yemək zamanı sosial qarşılıqlı əlaqənin olmaması iştaha, pəhriz müxtəlifliyinə və emosional rifaha mənfi təsir göstərir.

Həll yolu kimi elm adamları yaşlıların sağlamlığını və həyat keyfiyyətini yaxşılaşdırmaq üçün birgə yemək üçün şərait yaradılmasını tövsiyə edirlər.

Adəm