Səhiyyə
İnsanın yaşı sümüklərin sıxlığı ilə təyin ediləcək - YENİLİK
Kriminalistlər bud sümüyünün sıxlığının qiymətləndirilməsinə görə, sümük qalıqlarının hansı yaşda olduğunu müəyyənləşdirməyin yeni üsulunu kəşf ediblər.
Publika.az xəbər verir ki, ABŞ-ın Şimali Karolina Universitetindən olan bir qrup mütəxəssis hesab edir ki, insan orqanizmində yaş ötdükcə sümüklərin minerallaşması artır, cinsi yetkinlik dövrünə çatdıqda isə, stabil sürətlə azalmağa başlayır. Məhz bu səbəbdən bu üsul yaşın təyin edilməsi üçün ən əlverişli və dəqiq meyardır.
Araşdırmanın müəllifi Ann Rossun sözlərinə görə, ölüm anında müasir yaş qiymətləndirmə texnologiyaları sümük və oynaqların aşınmasına əsaslanır: “Təbii ki, burada aşınma həyat tərzindən və kriminalistin interpretasiyasından asılı olaraq dəyişir. 40 yaşında vəfat edən şəxsin yaşı 27 və ya 70 kimi qiymətləndirilə bilər”.
Məlumata görə, mütəxəssislər daha əvvəl də mövcud olan
metodikanı təkmilləşdirməyə nail olublar. Belə ki, alimlər bədənin
bütün sümüklərini seçərək, sümük hüceyrələrin yerləşdirilməsi üçün
bir hissə tapmalı idilər. Müzakirələrdən sonra qərara alındı ki,
insan bədənində bu metodun tətbiqi üçün ən ideal yer və yaşı daha
dəqiq göstərən elə bud sümüyü boynunun minerallaşmasıdır .
Elm adamları bu üsulun test sınaqları üçün 33 kişi və 8 qadının bud
sümüyündən nümunələr götürüblər. Yaşın müəyyənləşdirilməsi zamanı
isə 13 ilə qədər səhv təyin etmə müşahidə edilib. Bu, az olmasa da,
digər metodikalardan çoxdur. Alimlər ümid edir ki, sistemi daha da
təkmilləşdirməklə bu səhvləri aradan qaldırmaq və ya maksimum
dərəcədə azaltmağa nail ola biləcəklər.
Kişi və qadınların sümük sıxlığında alimlər tərəfindən böyük fərqin aşkarlanmamasına baxmayaraq, kəllə sıxlığında fərqin olması müəyyənləşdirilib. Tədqiqatçıların fikrincə, kəllənin minerallaşmasından cinsin müəyyənləşdirilməsi üçün istifadə etmək olar, çünki kəllə fiziki yükləmələrə məruz qalmır və sümük sıxlığında cinsə görə müəyyənləşdirilən kiçik fərqləri ayırd etmək mümkündür.
Könül Cəfərli
-
İnanc20:24
Ağdam Cümə məscidində ilk Azan - VİDEO
-
Cənubi Qafqaz19:36
Ermənistan hərbçisi Azərbaycanla sərhəddə minaya düşdü
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO