Səhiyyə

Sahib Məmmədovdan SOS: "Belə getsə, vəziyyət daha pis olacaq"

2 Mart 2021 18:18

"Metro açılsın, toylar bərpa edilsin deyənlər yəqin yoluxmada artmaqda olan tempi görmürlər. Çexiyanın gününə qalsa Azərbaycan necə olcaq? Çexiya Şərqi Avropada ən yaxşı səhiyyə sistemi və tibbi sığortası olan ölkələrdəndir. Amma xəstəliyin qarşısını ala bilmirlər".

Publika.az xəbər verir ki, bu sözləri tanınmış ekspert və hüquq müdafiəçisi Sahib Məmmədov feysbuk səhifəsində yazıb. O əlavə edib ki, ölkə olaraq yenidən qapanmaya doğru gedirik: "Dinamika bu templə getsə tezliklə dekabr vəziyyətindən daha pis olacaq. Peyvəndləşmə sürəti isə yaxın bir ildə kollektiv immunitetin yaranmasına imkan verməyəcək. Ayda 200 000 vaksinasiya olsa bu edir 100 000 nəfər (vaksinasiya və revaksinasiya). Bir ilə 1 200 000. 6 aydan sonra isə yenidən vaksinasıya olunmaq lazımdır. Bir sözlə vəziyyət yaxşı deyil. Nəzərə alınmalıdır ki, bizdə test sayı qonşu ölkələrə nisbətən dəfələrlə azdır və deməli qeydə alınan yoluxma real sayı göstərmir".