Nazirlikdən çağırış: Peyvənd olunun
Bizi izləyin
Aptekonline

Səhiyyə

Nazirlikdən çağırış: Peyvənd olunun

Nazirlikdən çağırış: Peyvənd olunun

“Səhiyyə Nazirliyi bu il ölkəyə qrip əleyhinə peyvəndlər gətirib. Peyvənd olunan şəxslər müəyyən qədər qrip virusundan qorunmuş hesab olunurlar. Onlar qripə yoluxsalar belə, xəstəliyi yüngül keçirirlər”.

Publika.az xəbər verir ki, bunu Səhiyyə Nazirliyinin mütəxəssis-eksperti, infeksionist Təyyar Eyvazov dəyişkən havalarda virusdan qorunmadan danışarkən deyib.

O bildirib ki, ilk növbədə risk qruplarına aid olan şəxslərin – azyaşlıların, hamilələrin, yaşı 65-in üzərində olanların, yanaşı xəstəliyi olanların qrip əleyhinə peyvənd olunması tövsiyə edilir.

T.Eyvazov əlavə edib ki, immun sisteminin yüksək olması üçün sağlam həyat tərzi və düzgün qidalanmaya üstünlük verilməlidir: “Vitaminlərin bol olduğu qida qəbulu vacibdir. İnsan özündə olan xəstəlikləri aşkar etmək üçün hər il tibbi müayinədən keçmək lazımdır. Bu halda ağır fəsadlardan qurtula bilərlər”.

Oxumağa davam et
Reklam
Reklam

Gündəm

Aptekonline