Sosial

Şəhid övladlarının yanındayıq - Ayla Nuriyeva

8 Oktyabr 2021 11:47

Ailəm qərar vermişdi ki, atamın şəhid olmasını 18 yaşım olanda bizə desinlər. Lakin atamın şəhid olmasını 15 yaşımda təsadüf nəticəsində öyrəndim.

Publika.az xəbər verir ki, bunu Birinci Qarabağ müharibəsi şəhidi Eldəniz Nuriyevin qızı, "Hərə bir qəhrəman oldu" layihəsinin ideya müəllifi Ayla Nuriyeva deyib.

"Atalarımızın bizi böyütmək istədiyi formada analarımız böyüdür. Bu gün burada danışanlar Birinci Qarabağ müharibəsinin övladlarıdır. Bu günün imkanları ilə ötən illərin imkanları fərqlidir. 2019-cu ildən 4 saylı DOST mərkəzinin əməkdaşıyam. Bu gün DOST Agentliyi olaraq şəhid övladlarının yanındayıq. Atam 1 yaşım olanda şəhid olub. İnanıram ki, hazırda şəhid övladlarına irəli sürülən şərtlərlə gələcəkdə onlar da bir qəhrəman olacaqlar", - A.Nuriyeva qeyd edib.