Sosial

İstirahətə getmək istəyənlərin NƏZƏRİNƏ! - Bu qadağa ləğv oluna bilər

13 Dekabr 2021 09:53

"Yerli mühiti və qonşu ölkələrdəki epidemioloji vəziyyəti nəzərə alaraq sərhədlərin qismən açılması təmin edilə bilər".

Publika.az xəbər verir ki, bu sözləri "ARB 24"də yayımlanan "Nə baş verir" verlişində qonaq olan tibb elmləri doktoru, professor Adil Qeybulla bildirib.

O əlavə edib ki, bu məsələ Operativ Qərargahın verəcəyi qərardan asılı olacaq: "Hələlik özümüz mümkün qədər qoyulan qaydalara əməl etməliyik. Bu rəqəmlər göydən düşməyib. Yeni il şənlikləri zamanı qaydalara riayət olunmalıdır.

Sərhədlərin açılması ilə bağlı qərarlar ola bilər ki, yeni il ərəfəsində bütün dünyada yumşalmalar davam etsin".