13 yaşlı qızın anası ondan və nəvəsindən imtina etdi - YENİLƏNDİ

Azərbaycanda 13 yaşlı qızın ana olması ilə bağlı bəzi məqamlar məlum olub.

Publika.az xəbər verir ki, hadisə Sabunçu rayonunda baş verib.

Qızın atası rəhmətə gedib və anası ilə yaşayıb.

“Azərbaycan Uşaqlar Birliyi”nin sədri Kəmalə Ağazadə Teleqraf.com-a bildirib ki, qızın anası nəvəsindən və öz qızından imtina edib.

xxx

11:02

Ailə, Qadın və Uşaq Problemləri üzrə Dövlət Komitəsi Bakı şəhərində yeniyetmə qızın ana olması ilə bağlı məlumatlara münasibət bildirib.

Publika.az xəbər verir ki, Dövlət Komitəsinin mətbuat katibi Teymur Mərdanoğlu 13 yaşlı qızın ana olması ilə bağlı məlumatın araşdırıldığını bildirib.

Onun sözlərinə görə, hadisə ilə bağlı aidiyyatı qurumlarla birlikdə araşdırmalara başlanılıb.

xxx

09:36

Azərbaycanda 13 yaşlı qız təcavüz nəticəsində uşaq dünyaya gətirib.

Publika.az xəbər verir ki, bu barədə Azərbaycan Uşaqları İctimai Birliyinin sədri Kəmalə Ağazadə deyib.

O bildirib ki, ana artıq xəstəxanaya yerləşdirilib:

"Uşağın dedikləri məni bu gecə yuxu görməyə həsrət qoydu. Dünən ev şəraitində 13 yaşlı qız dünyaya uşaq gətirib. Doğulan uşaq sağdır, 13 yaşlı ana isə sığınacağımıza yerləşməyini xahiş edir”.