Ölüm haqqında şəhadətnamə bundan sonra BELƏ VERİLƏCƏK
Bizi izləyin
Aptekonline

Sosial

Ölüm haqqında şəhadətnamə bundan sonra BELƏ VERİLƏCƏK

“Ölüm haqqında tibbi şəhadətnamə” bundan sonra elektron qaydada veriləcək.

Publika.az xəbər verir ki, bununla bağlı Səhiyyə Nazirliyinin Kollegiyası “İnsanın ölüm anının müəyyən edilməsi, reanimasiya tədbirlərinin dayandırılması meyarları və qaydası”nda dəyişiklik edilməsinə dair qərar qəbul edib.

Dəyişikliyə əsasən, şəhadətnamənin verilməsi üçün müraciət edən şəxs vəfat edənin və özünün şəxsiyyətini və qohumluq əlaqəsini təsdiq edən sənədləri tibb müəssisəsinə təqdim etməlidir. Tibb müəssisəsi tərəfindən qeyd edilən sənədlər yoxlanıldıqdan sonra vəfat edənin müraciət etmiş ailə üzvü və ya qohumu şəhadətnaməni elektron xidmət vasitəsilə əldə edə bilər.

Ölüm haqqında məlumat tibb müəssisəsi tərəfindən dərhal Səhiyyə Nazirliyinə, Səhiyyə Nazirliyi tərəfindən isə həmin gün Elektron Hökumət İnformasiya Sistemi vasitəsilə Ədliyyə Nazirliyinin informasiya sisteminə ötürüləcək.

Teqlər
Oxumağa davam et
Reklam
Reklam

Gündəm

Aptekonline