Uşaq vaxtı oğurlandı, 43 ildən sonra ailəsinə qovuşdu

ABŞ-ın Şimali Karolina ştatının sakini Sara Rozenblat 43 ildən sonra bacısı və anası ilə bir araya gəlib.

Publika.az xəbər verir ki,bu barədə “People” məlumat yayıb.

Rozenblatt Çilidə anadan olub, lakin doğulduqdan qısa müddət sonra oğurlanıb və ABŞ-da yəhudi bir himayədar ailədə böyüyüb.

Qadın Çilidə qohumlarının olduğunu bilsə də, son vaxtlara qədər düşünürdü ki, valideynləri ondan imtina edib və onu övladlığa veriblər. Buna baxmayaraq, o, həmişə bioloji ailəsini tapmaq istəyirdi.

2022-ci ildə övladlığa götürülən qardaşı ona, doğulduqdan dərhal sonra qaçırılan çilili uşaqlar haqqında məqalə göndərib. Rosenblatt o uşaqların arasında özünün də ola biləcəyindən şübhələnib və qohumlarını tapmaq qərarına gəlib.

Beləliklə, o, Amerika qeyri-kommersiya təşkilatı "Connecting Roots"la əlaqə saxlayıb və DNT testlərinin köməyi ilə uzun illər sonra anası və bacısını tapıb. Rozenblatt bacısı ilə ilk dəfə may ayında tanış olduğunu və bir-birilərini görən kimi “ heç şübhəsiz, bu, mənim bacımdır” deyə düşündüyünü etiraf edib.

Ayşən Rəhim