Onların geyimlə təmin olunma norması təsdiq edildi

Nazirlər Kabineti “Stasionar xidmət göstərən dövlət sosial xidmət müəssisələrində xidmətə götürülmüş şəxslərin geyim, ayaqqabı və yumşaq inventarlarla təmin olunma norması”nı təsdiq edib, “Qocalar və əlillər üçün Əmək və Əhalinin Sosial Müdafiəsi Nazirliyinin ümumi və ruhi-əsəb internat evlərində ayaqqabılardan, geyim və dəyişək əşyalarından istifadənin norma və müddətləri”nin təsdiqi haqqında” 2 avqust 1993-cü il tarixli qərarında dəyişiklik edib.

Publika.az xəbər verir ki, bununla bağlı Baş nazir Əli Əsədov yeni qərar imzalayıb.

Qərara əsasən, dövlət və yaxud bələdiyyənin yaratdığı uşaq evləri, ailə tipli kiçik qrup evləri sosial xidmət müəssisələrində tərbiyə olunan uşaqların geyim, ayaqqabı və yumşaq inventarlarla təmin olunması Nazirlər Kabinetinin 17 yanvar 1994-cü il tarixli qərarı ilə təsdiq edilmiş “İnternat tipli ümumi təhsil müəssisələrində təhsilalanlar və dövlət və ya bələdiyyə tərəfindən yaradılan uşaq evləri, ailə tipli kiçik qrup evləri sosial xidmət müəssisələrində tərbiyə olunan uşaqların geyim, ayaqqabı, yumşaq inventarlarla təmin olunması norması”na uyğun həyata keçirilir.

“Qocalar və əlillər üçün Əmək və Əhalinin Sosial Müdafiəsi Nazirliyinin ümumi və ruhi-əsəb internat evlərində ayaqqabılardan, geyim və dəyişək əşyalarından istifadənin norma və müddətləri”nin təsdiqi haqqında” qəraı 6-cı hissəsi istisna olmaqla ləğv edilir.

Əmək və Əhalinin Sosial Müdafiəsi Nazirliyi qərardan irəli gələn məsələləri həll etməlidir.