ABŞ

Maduronu bu ölkənin əsgərləri qoruyurmuş - Tramp AÇIQLADI

6 Yanvar 2026 20:24

ABŞ Prezidenti Donald Tramp respublikaçı konqresmenlər qarşısında çıxışı zamanı Venesuelada həyata keçirilən ABŞ hərbi əməliyyatı nəticəsində insanların həlak olması ilə bağlı təəssüfünü ifadə edib.

Publika.az xəbər verir ki, bu barədə ABŞ KİV-ləri məlumat yayıb.

Onun sözlərinə görə, ABŞ hərbçilərinin fəaliyyəti nəticəsində qarşıdan gələn müdaxilədən xəbərdar olan çox sayda kubalı əsgər ölüb.

Donald Tramp Venesuela Prezidenti Nikolas Maduronu “milyonlarla insanı öldürmüş qəddar bir şəxs” adlandıraraq, bununla da güc tətbiqi yolu ilə müdaxilənin zəruriliyini əsaslandırıb. O, eyni zamanda ABŞ-ın hərbi gücünü vurğulayaraq, ölkənin “planetin ən ölümcül və ən mükəmməl silahlı qüvvələrinə” malik olduğunu bildirib.

Siyasətçi çıxışı zamanı həmçinin Vaşinqtonun qlobal arenada texnoloji üstünlüyünü qoruyub saxlamaq və möhkəmləndirmək məqsədilə ən yeni silah növlərinin istehsal tempinin sürətləndirilməsinə çağırış edib.

Hüseyn İbadlı