İtkin balıqçıların axtarışına helikopter cəlb olundu - VİDEO

Dekabrın 9-da Astara rayonu, Şahağac kəndi yaxınlığında Xəzər dənizində itkin düşdüyü ehtimal olunan 1999-cu il təvəllüdlü Ağadədə Famil oğlu Həsənov və 1997-ci il təvəllüdlü Turan Eyvaz oğlu Həsənovun, həmçinin sentyabrın 27-də dənizdə batdığı ehtimal olunan 1992-ci il təvəllüdlü Tural Hüseynağa oğlu Sultanovun axtarışları davam etdirilir.

Publika.az xəbər verir ki, bu barədə FHN-in Mətbuat xidməti məlumat yayıb.

Axtarışlar FHN-in Aviasiya dəstəsin helikopteri, Kiçikhəcmli Gəmilərə Nəzarət və Sularda Xilasetmə Dövlət Xidmətinin, Xüsusi Riskli Xilasetmə Xidmətinin və Cənub Regional Mərkəzinin qüvvələri tərəfindən həyata keçirilir.

Əlavə məlumat veriləcək.

xxx

Astarada itkin düşən balıqçıların axtarışları davam etdirilir.

Publika.az xəbər verir ki, bu gün günorta saatlarından etibarən axtarışlara Fövqəladə Hallar Nazirliyinin aviasiya dəstəsinin bir helikopteri də cəlb olunub.

Bununla yanaşı, axtarışlara FHN-in Kiçik Həcmli Gəmilərə Nəzarət və Sularda Xilasetmə Dövlət Xidmətinin kiçik həcmli gəmiləri və iki dalğıc qrupu da qoşulub.

Hazırkı saatlara qədər aparılan axtarışlar hələlik müsbət nəticə verməyib.

Qeyd edək ki, Astara rayonunun Şahağac kənd sakinləri olan Ağadədə və Turan Həsənov iki gün əvvəl balıq tutmaq məqsədilə Xəzər dənizinə çıxıblar və onlarla bir daha əlaqə saxlamaq mümkün olmayıb.