Sosial

Virus sürətlə yayılır, 800 min nəfər yoluxub - Məktəblər bağlanır

18 Fevral 2026 17:00

Rusiya ölkənin bir çox regionunda ARVI (kəskin respirator virus infeksiyaları) epidemiyası ilə üzləşib.

Publika.az xəbər verir ki, bu barədə “112” Telegram kanalı məlumat yayıb.

Bildirilib ki, karantin tədbirləri ən azı 20 regionda tətbiq olunub. Nəticədə Perm bölgəsində 43 təhsil müəssisəsi və 47 uşaq bağçası müvəqqəti olaraq fəaliyyətini dayandırıb.

İnfeksionistlər qeyd edirlər ki, xəstəlik halları hələ pik həddə çatmayıb, amma növbəti iki-üç həftə ərzində yoluxanların sayının artacağı gözlənilir.

Mütəxəssislər vətəndaşlara kütləvi yerlərdən çəkinməyi, evləri müntəzəm olaraq havalandırmağı və mümkün olduqda evdə qalmağı tövsiyə edirlər.

Rusiya İstehlakçıların Hüquqlarının Müdafiəsi və İnsan Rifahına Nəzarət üzrə Federal Xidmətinin (Rospotrebnadzor) rəsmi məlumatına görə, ARVI ilə yoluxanların ümumi sayı artıq 800 mini ötüb.

Adəm