Sosial

Bakıda ət bahalaşdı - Bəs Sumqayıtda?

14 Mart 2026 20:00

Paytaxtın Yeni Ramana qəsəbəsində ətin qiymətində artım müşahidə olunur.

Publika.az xəbər verir ki, Yeni Ramananın inzibati ərazi bölgüsünə daxil olan “Suşa” şəhərciyində bu gündən etibarən həm dana, həm də quzu ətinin qiyməti bahalaşıb.

Dünən dana ətinin bir kiloqramı müştərilərə 16-17 manata təklif olunduğu halda bu gün 18 manata satılır. Quzu əti isə heyvanın çəkisindən asılı olaraq 20-21 manata alıcılara təklif olunur.

Qəssablar qiymət artımını rayonlarda ətin bahalaşması ilə əlaqələndiriblər. Onlar Novruz və Ramazan bayramlarının yaxınlaşmasının qiymət artımına təsir göstərdiyini bildiriblər. (Metbuat.az)

Qeyd edək ki, Sumqayıtda 3 aya yaxındır ki, fərdi ət kəsim məntəqələrində dana əti 18 manata satılır.