Gənədən keçən virus: Fermerin ölümü Türkiyəni təşvişə saldı
Bizi izləyin
Aptekonline

Sosial

Gənədən keçən virus: Fermerin ölümü Türkiyəni təşvişə saldı

Gənədən keçən virus: Fermerin ölümü Türkiyəni təşvişə saldı

Türkiyənin Sivas vilayətində gənc bir kişi gənə dişləməsi nəticəsində yoluxduğu Krım-Konqo hemorragik qızdırmasından (KKHQ) həyatını itirib.

Publika.az-ın məlumatına görə, bu, cari mövsümdə qeydə alınan ilk ölüm halıdır.

Bildirilir ki, Tokat vilayətində heyvandarlıqla məşğul olan 21 yaşlı Süleyman Gülsün 10 gün əvvəl yüksək hərarət şikayəti ilə xəstəxanaya müraciət edib. Vəziyyəti ağırlaşdıqdan sonra o, Sivas vilayətində yerləşən tibb müəssisəsinə köçürülüb.

Müayinələr zamanı onun Krım-Konqo Hemorragik Qızdırması (KKHQ) virusuna yoluxduğu müəyyən edilib.

Reanimasiya şöbəsində həkimlərin bütün səylərinə baxmayaraq, gəncin həyatını xilas etmək mümkün olmayıb.

Məlumata görə, ötən il havaların həddindən artıq isti keçməsi səbəbindən gənələr İstanbul və Antalya kimi böyük şəhərlərdə də yayılmışdı. 2025-ci ildə isə təkcə Sivas vilayətində gənə dişləməsi nəticəsində KKHQ virusuna yoluxan azı 10 nəfər həyatını itirib.

Müəllif: Adəm

Oxumağa davam et
Reklam
Reklam

Gündəm

Aptekonline