Ermənistanda yeni ETİRAZ DALĞASI - İstefa səsləri YÜKSƏLİR

Küçə tacirlərindən sonra İrəvanda taksi sürücüləri etirazlara başlayıb.

Publika.az xəbər verir ki, bu haqda erməni KİV-i yazıb.

“Şəhər hakimiyyəti ilə küçə tacirləri arasında daimi İrəvan matçının növbəti hissəsi heç-heçə bitdi, komandalar gücləri toplamaq üçün fasiləyə getdilər. Amma biz darıxmayacağıq, başqa kanal üzrə taksi sürücüləri və hakimiyyət arasında mübarizə davam edir”, - xəbərdə deyilir.

Taksi sürücüləri cərimələr və “qırmızı xətlər”in ləğvini, kameralar və sürət detektorlarının götürülməsini tələb edirlər. Məlumata görə, bu tələblər yerinə yetirilməyəcəyi halda, etirazçılar şəhər merinin istefasını tələb edəcəklər.

“Sputnik” agentliyinin yazdığına görə, taksi sürücüləri özlərini aldadılmış hiss edirlər, məhz onlarin böyük əksəriyyəti “məxməri inqilab” zamanı hakimiyyət dəyişikliyini böyük coşğunluqla qəbul etmişdi. Onlar nümayişçilərə dəstək olaraq siqnal verir, Nikol Paşinyanın çağırışlarına cavab olaraq yolları bağlayır, inqilabçı şüarları aydın oxuyurdular.

Bildirilir ki, müxtəlif sferalarda keçirilən etiraz aksiyaları inqilabın nəticələri ilə bağlı yaranan ümudsizlik fonunda genişlənə və yeni hakimiyyətin tezliklə dəyişilməsinə gətirib çıxara bilər.

Ömər Dağlı