Türkiyə-Azərbaycan qardaşlığının qorxusu - Ermənistandan 1 ay sonra gələn ETİRAF

Ermənistanın Xarici İşlər naziri Zoqrab Mnatsakanyan Misirə rəsmi səfər edib.

Publika.az xəbər verir ki, o, misirli həmkarı Səmih Şükri ilə görüşündə Azərbaycan və Türkiyə haqqında absurd fikirlər səsləndirib.

Mnatsakanyan Türkiyə və Azərbaycanın bölgədəki siyasəti ilə bağlı təşvişini əks etdirən ifadələr işlədib. O, iki qardaş ölkənin ordularının birgə hərbi təlimlərini xatırladıb.

İşğalçı ölkənin naziri bütün bu hərəkətlərin regional sabitliyi pozduğunu və vəziyyəti sabitləşdirmək səylərinə xələl gətirdiyini dilə gətirib. O etiraf edib ki, Türkiyə ilə Azərbaycanın birgə siyasəti qitədə Şərqi Aralıq dənizindən Şimali Afrikaya və Yaxın Şərqə, eləcə də Cənubi Qafqaza qədər uzanır.

Qeyd edək ki, Misir Türkiyənin Şərqi Aralıq dənizi üzərində Liviya ilə bağladığı sazişdən narahatdır. Buna görə də Yunanıstanın bölgədə enerji axtarışları aparan Türkiyəyə qarşı sərt mövqeyini dəstəkləyir.

Xatırladaq ki, Azərbaycan və Türkiyə orduları avqust ayında "TurAz Qartalı-2020" genişmiyqaslı birgə hərbi təlimləri keçirib. Hərbi təlimlər region ölkələri tərəfindən yaxından izlənib.

Zümrüd