Ohanyandan müharibə ilə bağlı ŞOK ETİRAFLAR: hakimiyyət hər şeyi etdi ki...

“Ermənistandakı hakimiyyət müharibənin olması üçün hər şeyi etdi”.

Publika.az xəbər verir ki, bunu Ermənistanın keçmiş müdafiə naziri Seyran Ohanyan “Aysor”a müsahibəsində deyib.

S.Ohanyan bildirib ki, “İskəndər” əməliyyat-taktiki sistemlərindən müharibədə istifadə edilməsini hamı kimi mediadan öyrənib.

O, müharibədəki məğlubiyyətin əsas səbəbini dövlət idarəetmə sistemi, hökumət, parlament və cəmiyyətdə görür: “Bundan başqa, hərbi-siyasi vəziyyətdən hali olmayan Təhlükəsizlik Şurası bütün imkanlarından istifadə etməyib və hərbi-siyasi vəziyyətdən nəticə çıxarılmasına yönəlməyib. Başqa bir səbəb isə səfərbərlik tapşırıqlarının yerinə yetirilməməsi ilə əlaqədar olub. Növbəti səbəb dövlət qurumlarından komandanlıq postlarına qədər intizam səviyyəsinin aşağı olması və məhkəmə və ya məhkəmə-hüquq sistemi tərəfindən tam olaraq qiymətləndirilməməsidir”.

Ohanyanın sözlərinə görə, müharibə zamanı Ermənistan ordusu vahid mərkəzdən idarə olunmayıb: “Başqa sözlə desək, Ermənistandakı mövcud hökumət müharibəyə başlamaq üçün hər şeyi edirdi, lazımi əmr vermək üçün heç bir şey etmirdi, üstəlik müharibə zamanı məğlub olduğumuz istiqamətlərdə komandanlıq təşviq edildi”.

Zümrüd