Cənubi Qafqaz

Gürcüstanda komendant saatı ilə bağlı qərarı qüvvədə qaldı

10 Aprel 2021 03:43

Hökumətin İdarələrarası Koordinasiya Şurasının qərarına əsasən, komendant saatı qüvvədə saxlanılıb.

Publika.az xəbər verir ki, bu barədə Koordinasiya Şurasının bu gün keçirilən toplantısında qərar qəbul edilib.

Şuranın qərarına əsasən, ölkə üzrə mövcud olan saat 21:00-dan 05:00-dək hərəkət məhdudiyyəti qüvvədə saxlanılır.

Səhiyyə nazirinin müavini Tamar Qabunia, qərarın saxlanılmasına səbəb kimi ölkədə epidemioloji vəziyyətin pisləşməsini göstərib:

"İndiki vəziyyətdə, komendant saatı da daxil olmaqla mövcud məhdudiyyətləri azaltmağa imkan vermir. Gecə hərəkətin məhdudlaşdırılması bir çox Avropa ölkəsi tərəfindən istifadə olunan mexanizmlərdən biridir və bu ölkələrdə bizdən daha pis qaydalar tətbiq olunur, çünki bu kimi tədbirlər son dərəcə zəruridir. Vətəndaşların narahatlığını başa düşürük, amma bu qaydalar bu gün bizim üçün təsirli mexanizmlərdən biridir".