Cənubi Qafqaz

Əliyevlə Paşinyan bu mövzuları MÜZAKİRƏ EDƏCƏK

23 Noyabr 2021 21:48

"Dekabrın 15-də keçiriləcək görüş də, əslində yenilik deyil. Avropa Şurasının prezidenti Şarl Mişel regiona yaz səfəri zamanı bu təşəbbüslə çıxış edib. O, dekabrın 15-də Şərq Tərəfdaşlığı sammitinin keçiriləcəyini bildirib və Azərbaycan prezidenti ilə görüşü təklif edib. Mən təklifi qəbul etdim və qeyd etdim ki, dekabra yaxın bu mövzuda daha konkret danışmaq olar".

Publika.az "Sputnik Ermənistan"a istinadla xəbər verir ki, bunu Ermənistanın baş naziri Nikol Paşinyan "Facebook"da canlı yayımda media və ictimai təşkilatların suallarını cavablandırarkən deyib.

O, qeyd edib ki, görüş hazırkı vəziyyətdən irəli gəlir:

"Vəziyyəti həll etmək və böhranlardan qaçmaq üçün Ermənistan və Azərbaycan nümayəndələri arasında danışıqlar tez-tez aparılmalıdır.

Görüşlərdə delimitasiya və demarkasiya prosesinin nədən başlanacağı ilə bağlı məsələlər müzakirə olunacaq".

Hüseyn