Qarabağda döyüşməmişəm, mənimlə ünsiyyət daha asan ola bilər – Vardanyan

İctimai xadim və milyarder, bir neçə gün öncə Xankəndiyə köçüb orada yaşayacağını bəyan edən Ruben Vardanyan ksenofobiya və qarşılıqlı nifrətə deyil, yan-yana yaşamağı öyrənmək istəyinə söykənərək qonşularla münasibətlərin qurulmasının çətin yoluna başlamağa çalışacağını açıqlayıb.

Publika.az xəbər verir ki, Ruben Vardanyan bunu Forbes.ru-ya müsahibəsində bildirib.

“Mən həmişə bir-biri ilə əlaqəsi olmayan, qeyri-mümkün görünən şeyləri bağlayan insan olmuşam. Mən müharibədə iştirak etməmişəm, döyüşməmişəm, bu mənada mənimlə ünsiyyət Qarabağ müharibəsindən keçmiş insanlardan daha asan ola bilər”, – deyə o qeyd edib.

Rusiya vətəndaşlığından imtina etməsinin səbəblərindən danışan Ruben Vardanyan deyib:

“Belə bir vəziyyət yarana bilər ki, mən dövlət vəzifəsini tutmaq məcburiyyətində qalacağam və bunu düzgün hesab edəcəyəm”.

“Ermənistan qanunvericiliyi dövlət qulluqçularının ikili vətəndaşlığa malik olmasını və xaricdə aktivlərinin olmasını qadağan edir. Bundan əlavə, dövlət vəzifəsini tutmaq üçün siz ölkədə müəyyən müddətdə yaşamalı və bu müddət ərzində başqa vətəndaşlığınız olmamalıdır”, – deyə o izahat verib.

Səxavət