KTMT missiyası Ermənistanda: regiondakı vəziyyətlə bağlı...
Bizi izləyin

Cənubi Qafqaz

KTMT missiyası Ermənistanda: regiondakı vəziyyətlə bağlı...

Təşkilatın baş katibi Stanislav Zasın rəhbərlik etdiyi KTMT missiyası Ermənistanla Azərbaycan sərhədi də daxil olmaqla, vəziyyəti öyrənmək və əlavə birgə tədbirlərlə bağlı təkliflər hazırlamaq üçün Ermənistana gəlib.

Publika.az xəbər verir ki, bu barədə KTMT-nin mətbuat katibi Vladimir Zaynetdinov məlumat verib.

"Bu il sentyabrın 20-də KTMT-nin Kollektiv Təhlükəsizlik Şurasının növbədənkənar iclasının qərarına uyğun olaraq, KTMT-nin baş katibi Stanislav Zasın rəhbərlik etdiyi missiya Ermənistan Respublikasına gəlib. Missiyanın tərkibinə KTMT-yə üzv olan dövlətlərin nümayəndələri daxildir. Onlar təşkilatın işçi orqanlarının əməkdaşlarıdır”, - məlumatda deyilir.

Qeyd olunur ki, missiyaya cari vəziyyətin qiymətləndirilməsi, regiondakı vəziyyətlə bağlı KTMT-yə üzv dövlətlərin başçılarına ətraflı məruzənin hazırlanması və Ermənistanla Azərbaycan sərhədinin müəyyən sahələrində yaranmış gərginliyin azaldılması üçün təkliflərin hazırlanması vəzifələri həvalə edilib.

Missiyanın işi zamanı sərhədyanı ərazilərdə mövcud vəziyyətin öyrənilməsi və monitorinqi üzrə tədbirlər, həmçinin Ermənistan Respublikasının ali siyasi və hərbi rəhbərliyi ilə görüşlərin keçirilməsi planlaşdırılır.

Xatırladaq ki, KTMT Birləşmiş Qərargahının rəisi, general-polkovnik Anatoli Sidorovun rəhbərlik etdiyi KTMT missiyasının qabaqcıl qrupu ötən gün Ermənistanda işləri başa çatdırıb.

Hüseyn İbadlı

Oxumağa davam et
Reklam
Reklam

Gündəm