Cənubi Qafqaz

Amerikalı konqresmenlər İrəvana gəldilər - Nümayəndə heyətində kimlər var?

18 Oktyabr 2022 12:40

ABŞ Konqresinin Nümayəndələr Palatasının Demokratik Tərəfdaşlıq Komitəsinin sədri Devid Praysın başçılıq etdiyi nümayəndə heyəti Ermənistana gəlib.

Publika.az xəbər verir ki, bu barədə ABŞ-ın Ermənistandakı səfirliyindən bildirilib.

Nümayəndə heyəti oktyabrın 17-dən başlayan ikigünlük səfər çərçivəsində qondarma "erməni soyqırımı memorial kompleksi"nə əklil qoyacaq.

Baş nazir Nikol Paşinyan və Milli Assambleyanın sədri Alen Simonyanla görüşlərdə ABŞ-Ermənistan münasibətləri müzakirə olunacaq.

“Nümayəndə heyəti müxtəlif siyasi dairələri təmsil edən parlamentarilərlə də məsləhətləşmələr aparacaq. Nümayəndə heyətinin başçısı Praysı Nümayəndələr Palatasının üzvləri Diana Daggett, Cim Kuper və Endi Levin müşayiət edir”, - deyə məlumatda qeyd olunur.

Səxavət