Saakaşvili vərəm xəstəliyinə tutulub?

Son günlər eks prezident Mixel Saakaşvilinin vərəm xəstəliyinə tutulduğu barədə məlumatlar yayılıb.

Publika.az xəbər verir ki, onun vəkili Valeri Qelbaxiani yayılan məlumatlara aydınlıq gətirib.

O bildirib ki, Saakaşvili vərəm ilə bağlı müayyinələrdən keçib və yaxın vaxtlarda yekun qərar açıqlanacaq:

“Respublika xəstəxanasında analizlər götürülüb. Onun vərəm xəstəliyinə tutulması ilə maraqlanırlar. Araşdırmanın nəticələri hələlik məlum deyil. Qızdırması var, hərarəti düşmür, hərəkətsizdir. Yəqin ki, buna vərəm şəklində daha bir xəstəlik əlavə olunub. Biz məsələ qaldıranda ki, diaqnoz səhvdir, müalicə səhvdir, bizimlə dava salardılar. Bizi yalan ifadə verməkdə ittiham edirdilər. İndi məlum olur ki, əvvəllər olmayan bir xəstəlik aşkarlanıb. Müalicə zamanı bu xəstəliklə qarşılaşıb. Bizə başa salmalıdırlar ki, müalicə müddətində sağalmaq əvəzinə, necə vərəmə yoluxub. Hazırda vəziyyəti ağırdır, pisdir. Özü hərəkət edə bilmir. Biz hökumətə deyirik ki, insan həyatını və sağlamlığını qorumaq iqtidarında deyillərsə bu zaman başqa tədbirlər görsünlər", - deyə vəkil Qelbaxiani bildirib.