Saakaşvilinin anasından ŞOK AÇIQLAMA: bədənində zəhərli metal tapılıb

Həbsdə olan Gürcüstanın eks-prezidenti Mixeil Saakaşvilinin bədənində ağır metalların miqdarının artması aşkar edilib.

Publika.az "Mtavari" TV-yə istinadla xəbər verir ki, bu barədə onun anası Culi Alasaniya məlumat verib.

"Onun bədənində civə, barium, tallium olub. Onun haradan gəldiyi məlum deyil. Bu, sərxoşluqdur və bu da onun dərhal azadlığa buraxılmasına əsas verir", - Alasaniya deyib.

O, əmindir ki, zəhərli maddə Saakaşvilinin bədəninə süni şəkildə daxil olub, çünki şəxs təcrid olunmuş vəziyyətdə təkdir.

Bundan əvvəl Saakaşvilinin vəkili Şalva Xaçapuridze bildirib ki, həkimlər Gürcüstanın keçmiş prezidenti Mixeil Saakaşvilinin vərəm və demensiyadan əziyyət çəkdiyindən şübhələndirirlər. Ümumilikdə həbsdə olan siyasətçi 34 xəstəliyə görə yoxlanılır.

İyulda Saakaşvilinin keçmiş vəkili Valeri Qelbaxiani müvəkkilinin siyasətdən getdiyini açıqlamışdı. Vəkilin sözlərinə görə, bu gün gündəmin əsas məsələsi Saakaşvilinin həyatını xilas etməkdir.

Hüseyn İbadlı