Cənubi Qafqaz

Paşinyan Şahramanyana cavab verdi - İrəvanda “mühacir hökumət” davası

28 Mart 2024 12:01

Ermənistanın baş naziri Nikol Paşinyan Qarabağdan qaçan separatçıların “başçısı” kimi təqdim olunan Samvel Şahramanyana cavab verib.

Publika.az xəbər verir ki, Paşinyan Ermənistanda “mühacir hökumətin” olmadığını deyib.

“Ermənistanda bir hökumət var, o da bu zalda əyləşib. Qarabağdan gələn bəzi qruplar istər-istəməz Ermənistanın milli təhlükəsizliyinə təhdid yaradan addımlar atır, “mühacir hökumət” elan edirlər və s. Ehtiyac olarsa, müvafiq addımlar atılmalı, tədbirlər görülməlidir ki, xarici qüvvələr müəyyən dairələr vasitəsilə Ermənistanın təhlükəsizliinə təhdid yaratmasın”, - Paşinyan bildirib.

Qeyd edək ki, S.Şahramanyan Fransanın “Le Figaro” qəzetinə müsahibəsində jurnalistin “mühacirətdə dövlət və hökumət vamı” sualına belə cavab verib: “Bəli. İrəvanda sizi qəbul etdiyim binada (qondarma-red) “artsax prezidentinin ofisi”, “məhkəmə” və “qanunvericilik strukturları” yerləşir”.

Asif