“Eurovision“ biletləri necə satılır? - MÜNASİBƏT
Bizi izləyin

Tabloid.az

“Eurovision“ biletləri necə satılır? - MÜNASİBƏT

Yayılan xəbərlərlə bağlı Mədəniyyət və Turizm Nazirliyinin mətbuat xidmətinin rəhbəri İntiqam Hümbətovun münasibətini öyrəndik.


“Mədəniyyət və Turizm Nazirliyi “Eurovision-2012” -nin biletlərinin satışı ilə məşğul olmur. Satış mərkəzləşdirilmiş qaydada aparılır. Bu işlə təşkilatçılar məşğul olur" - Nazirlik sözçüsü bildirdi.

Onun sözlərinə görə, finala biletlər internet vasitəsi ilə satılır. Yarımfinala isə biletlər yenə də mərkəzləşdirilmiş qaydada köşklərdə satılır. Online satış zamanı müştəri biletin əldə olunmasını təsdiq edən elektron məktub almalıdır. Bilet sahibləri elektron ünvana daxil olmuş vauçeri konsert ərəfəsində Bakıdakı bilet satış köşklərinə verərək biletlərini əldə edəcəklər. Bu, saxtalaşdırmanın və biletlərin qara bazarda satışının qarşısını almaq məqsədi daşıyır.

"Mən hansısa qəzetin yazdığına şərh vermək istəmirəm. Onu deyə bilərəm ki, şəxsən mən özüm bilet almaq istədim, lakin, tapa bilmədim. Satış sistemi elə qurulub ki, hansısa boşluqdan istifadə edib əldən satış aparmaq mümkün deyil. Konsertə getmək istəyənlər bilet tapa bilmirlər, hansısa məcburi satışdan söhbət gedə bilməz” - İntiqam Hümbətov dedi.

Günay Muradlı
Publika.Az

Oxumağa davam et
Reklam
Reklam

Gündəm